വള്ളിക്കുന്ന്     : വള്ളിക്കുന്ന് ഗ്രാമപഞ്ചായത്ത് ജനകീയാസൂത്രണം 2025-26 വാർഷിക പദ്ധതി സമഗ്ര പച്ചക്കറി വികസനം ഗുണഭോക്താക്കൾക്ക് പച്ചക്കറി തൈ വിതരണം ആരംഭിച്ചു. വിതരണ ഉദ്ഘാടനം വള്ളിക്കുന്ന് ഗ്രാമപഞ്ചായത്ത് പ്രസിഡൻ്റ് എ ഷൈലജ ടീച്ചർ നിർവ്വഹിച്ചു. കുമ്പളം, മത്തൻ, പച്ചമുളക്, തക്കാളി, വെണ്ട തൈകളാണ് വിതരണം ചെയ്യുന്നത്. വാർഷിക പദ്ധതിയിൽ മൂന്ന് ലക്ഷത്തി അറുപതിനായിരം രൂപയാണ് ഗ്രാമപഞ്ചായത്ത് ചിലവഴിക്കുന്നത്. 1 ലക്ഷത്തോളം തൈകളും, വളവും, കൃഷി ചെയ്യാനുള്ള ചിലവും ഉൾപ്പെടുത്തിയാണ് പദ്ധതി നിർവ്വഹണം നടത്തുന്നതെന്ന് കൃഷി ഓഫീസർ നീനു രവീന്ദ്രനാഥ് അറിയിച്ചു.