മലപ്പുറം : മലപ്പുറം ജില്ലാ മെഡിക്കൽ ഓഫീസർ ആയി ഡോ വിനോദ് വി ചുമതലയേറ്റു. മലപ്പുറം ജില്ലയിലെ വള്ളിക്കുന്ന് സ്വദേശിയായ ഡോ: വിനോദ് മാധവൻ പാലാട്ടിന്റെയും ആനന്ദലക്ഷ്മി ടീച്ചറുടെയും മകനാണ്. ചാലിയം ഇമ്പിച്ചി ബാവ ഹയർ സെക്കണ്ടറി സ്‌കൂൾ അധ്യാപികയായ രൂപ ആണ് ഭാര്യ.  

തിരൂരങ്ങാടി സൂപ്രണ്ടായിരുന്ന ഡോ വിനോദ് വി - യെ സ്ഥാനക്കയറ്റം നൽകിയാണ് മലപ്പുറം ജില്ലാ മെഡിക്കൽ ഓഫീസറായി നിയമിച്ചത്. 2012-16 വരെ മലപ്പുറം ജില്ലയിലെ NHM പ്രോഗ്രാം മാനേജരായും 2016-19 കാലഘട്ടത്തിൽ തിരൂർ ജില്ലാ ആശുപത്രി സൂപ്രണ്ട് , 2022-25 കാലഘട്ടത്തിൽ കൊയിലാണ്ടി താലൂക്ക് ആസ്ഥാന ആശുപത്രി സൂപ്രണ്ട് ആയും പ്രവർത്തിച്ചിട്ടുണ്ട്. 2020-22  കോവിഡ് സമയത്ത് മലപ്പുറം, പാലക്കാട് ജില്ലയികളിലെ നോഡൽ ഓഫീസർ ആയി പ്രവർത്തിച്ചിരുന്നു.