വള്ളിക്കുന്ന്: വള്ളിക്കുന്ന് ഗ്രാമപഞ്ചായത്തിൻ്റെ 2025-26 വാർഷിക പദ്ധതിയിൽ ഉൾപ്പെടുത്തി ഗ്രാമപഞ്ചായത്തിലെ വിദ്യാലയങ്ങൾക്ക് ഡൈനിംങ്ങ് ഹാൾ ഫർണിച്ചറുകൾ വിതരണം ചെയ്തു വിതരണ ഉദ്ഘാടനം വള്ളിക്കുന്ന് ഗ്രാമപഞ്ചായത്ത് പ്രസിഡൻറ് എ ഷൈലജ ടീച്ചർ നിർവ്വഹിച്ചു. പി ടി എ വൈസ് പ്രസിഡൻ്റ് മുഹമദ് ഷെരീഫ്  അദ്ധ്യക്ഷത വഹിച്ച ചടങ്ങിൽ . ജി എൽ പി സ്കൂൾ പ്രധാന അദ്ധ്യാപിക അജിത കുമാരി സ്വാഗതം പറഞ്ഞു. ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻ്റിംങ് കമ്മിറ്റി ചെയർമാൻ ആത്രാപുളിക്കൽ സിന്ധു, ഗ്രാമപഞ്ചായത്ത് അംഗങ്ങളായ കെ വി അജയ്ലാൽ, വിനീതാ കാളാടൻ,എ കെ പ്രഷീത എം പി  ടി എ പ്രസിഡൻ്റ് ശ്രീകല,വള്ളിക്കുന്ന് ഗ്രാമപഞ്ചായത്ത് ആസൂത്രണ സമിതി ഉപാദ്യക്ഷൻ പ്രേമൻ പരുത്തിക്കാട് എന്നിവർ ആശംസകൾ അർപ്പിച്ച ചടങ്ങിന് സ്കൂൾ അദ്ധ്യാപിക സഹീറ ടീച്ചർ നന്ദി രേഖപ്പെടുത്തി. വിദ്യാലയങ്ങൾക്ക് ഡൈനിംങ് ഹാൾ ഫർണിച്ചറിന് നാല് ലക്ഷം രൂപയാണ് ഗ്രാമപഞ്ചായത്ത് വാർഷിക പദ്ധതിയിൽ ചിലവഴിക്കുന്നത്.