വള്ളിക്കുന്ന് : നിറംകൈതക്കോട്ട മേക്കോട്ട ഭഗവതി ക്ഷേത്രത്തിലെ താലപ്പൊലി ഇന്ന്. കഴിഞ്ഞ വർഷങ്ങളിൽ നിന്ന് വിഭിന്നമായി ഇത്തവണ മൂന്ന് ദിവസം ആയിട്ടാണ് ആഘോഷം നടക്കുന്നത്. മാർച്ച് 4 നു ആർക്കിയോളജിക്കൽ സർവ്വേ ഓഫ് ഇന്ത്യ മുൻ റീജിയണൽ ഡയറക്ടർ ശ്രീ കെ.കെ.മുഹമ്മദ് ആഘോഷ പരിപാടികൾ ഉദ്‌ഘാടനം ചെയ്തു. ചടങ്ങിൽ സാമൂതിരി ഗുരുവായൂരപ്പൻ കോളേജിലെ മലയാള ഭാഷ വിഭാഗം മേധാവി പ്രൊഫ: ഡോ: ശ്രീശൈലം ഉണ്ണികൃഷ്ണൻ മുഖ്യ പ്രഭാഷണം നടത്തി. തുടർന്ന് പ്രശസ്ത പ്ളേബാക്ക് സിംഗർ അതുൽ നറുകര നയിച്ച നാടൻപാട്ട് ചടങ്ങിന് മാറ്റു കൂട്ടി. രണ്ടാം ദിവസമായ ഇന്നലെ മെഗാതിരുവാതിരയും വിവിധ കലാപരിപാടികളും അരങ്ങേറി.

ഇന്ന് ഉച്ചക്ക് 2 :30 നു  ആൽത്തറ മേളം, വൈകീട്ട് 5 നു മഹാഗുരുതി , രാത്രി 8 നു കാഞ്ഞിലശ്ശേരി വിനോദ് മാരാർ, വിഷ്ണു കാഞ്ഞിലശ്ശേരി എന്നിവർ നയിക്കുന്ന ഡബിൾ തായമ്പക, രാത്രി 11 :30 നു താലപ്പൊലി പറമ്പിലേക്ക്  ഗജവീരൻ കൊളക്കാടൻ കുട്ടികൃഷ്ണനോടൊപ്പമുള്ള എഴുന്നള്ളത് പുലർച്ചെ 12 : 30 നു താലപ്പൊലി പ്രയാണത്തോടെ താലപ്പൊലി പറമ്പിൽ നിന്നും ചെമ്പട മേളം , പാണ്ടിമേളത്തോടുകൂടിയുള്ള തിരിച്ചെഴുന്നള്ളത്ത് എന്നിവ ഉണ്ടായിരിക്കുന്നതാണ്.