വള്ളിക്കുന്ന് :  നീണ്ട  നാല്പത് വർഷത്തെ സേവനത്തിനൊടുവിൽ  അജിതകുമാരി ടീച്ചർ കുറിയപ്പാടം അഗൻവാടിയിൽ നിന്ന് വിരമിക്കുകയാണ്.
എട്ടും പൊട്ടും തിരിയാത്ത കുഞ്ഞുങ്ങളെ പരിപാലിക്കുന്ന പ്രവർത്തനം മാത്രമല്ല അഗൻവാടി വർക്കർ ഏറ്റെടുക്കുന്നത്. സാമൂഹ്യക്ഷേമ വകുപ്പ് നടപ്പിലാക്കുന്ന വൈവിധ്യമറിയ ശ്രമകരമായ പ്രവർത്തനങ്ങളും ഭംഗിയായി നിർവ്വഹിക്കേണ്ടതും ഇവരുടെ ചുമതലയാണ്.

തദ്ദേശ സ്ഥാപനങ്ങളും ആവശ്യത്തിലേറെ ചുമതലകൾ ഇവരെ ഏല്പിക്കാറുണ്ട്. ഇതെല്ലാം ഒരു പരിഭവവും കൂടാതെ അക്ഷരംപ്രതി നടപ്പിലാക്കുന്നവരുടെ കൂട്ടത്തിലാണ് അജിതകുമാരി ടീച്ചറും . ടീച്ചറുടെ മികച്ച സേവനങ്ങൾക്ക്  സംസ്ഥാന ഗവൺമെൻ്റിൻ്റെ പുരസ്കാരവും ടീച്ചറെ തേടിയെത്തി . നാമമാത്രമായ സേവന വേതന വ്യവസ്ഥകൾക്കകത്ത് നിന്ന് ഭാരിച്ച ചുമതലകൾ ഭംഗിയായി നിർവ്വഹിച്ച്  62 വയസ്സിൽ വിരമിക്കുന്ന ടീച്ചർക്ക് ഉചിതമായ ഒരു യാത്രയയപ്പ് നൽകാൻ ആണ് നാട്ടുകാരുടെ തീരുമാനം. ഇതിനായി അംഗൻവാടിക്ക് സമീപം പ്രത്യേകം തയ്യാറാക്കിയ വേദിയിൽ വെച്ച് ഇന്ന് (29/04/2026) വൈകീട്ട് 3 മണിക്ക്  ഒരു യാത്രയയപ്പ് സംഘടിപ്പിക്കുന്നു എന്ന ഭാരവാഹികൾ അറിയിച്ചു.