വള്ളിക്കുന്ന്: പരപ്പനങ്ങാടി ഉപജില്ലാ സ്‌ക്കൂൾ കലോത്സവത്തിൽ ഹൈസ്ക്കൂൾ വിഭാഗം സംസ്കൃതോത്സവത്തിൽ ഓവറോൾ ജേതാക്കളായ സി.ബി.എച്ച്. എസ്. എസ്. വള്ളിക്കുന്നിലെ വിദ്യാർത്ഥികളെ സംസ്‌കൃതം ക്ലബ്ബിന്റെ നേതൃത്വത്തിൽ അനുമോദിച്ചു. പങ്കെടുത്ത പതിനെട്ട് ഇനങ്ങളിലും എ ഗ്രേഡും, പത്ത് ഇനങ്ങളിൽ ഒന്നാംസ്ഥാനത്തോടെ ജില്ലാതലത്തിലേക്കുള്ള യോഗ്യതയും നേടിക്കൊണ്ടാണ് സി.ബി.എച്ച്.എസ്. സ്ക്കൂളിലെ മത്സരാർത്ഥികൾ ഈ മികച്ച നേട്ടം കൈവരിച്ചത്. സംസ്‌കൃതം അദ്ധ്യാപകൻ യു.എം. ഹരീഷ് അധ്യക്ഷത വഹിച്ച പരിപാടിയിൽ ഹെഡ്മാസ്റ്റർ വി. പ്രവീൺകുമാർ വിദ്യാർത്ഥികളെ
അനുമോദിച്ചു. അദ്ധ്യാപകരായ എ. കെ. ശശികുമാർ, കെ. ആദർശ്, സംസ്‌കൃതം ക്ലബ് കൺവീനർ ടി. ശ്രീരുദ്ര എന്നിവർ സംസാരിച്ചു.