വള്ളിക്കുന്ന് : മാനസിക ശാരീരിക വെല്ലുവിളികൾ അനുഭവിക്കുന്ന വലിയൊരു വിഭാഗം ആളുകൾ നമ്മുടെ സമൂഹത്തിൽ ഉണ്ട്. 
ഇത്തരം ഭിന്നശേഷിക്കാരുടെ പരിപാലനവും അവർക്ക് വിദ്യാദ്യാസവും തൊഴിൽ പരിശീലനും നൽകി സമൂഹത്തിൻ്റെ മുഖ്യധാരയിലേക്ക് കൊണ്ടുവരിക എന്നതാണ് ബഡ്സ് റീഹാബിലിറ്റേഷൻ സെൻ്ററിൻ്റെ ലക്ഷ്യം. വള്ളിക്കുന്ന് ഗ്രാമപഞ്ചായത്ത് 2025-26 വാർഷിക പദ്ധതിയിൽ 25 ലക്ഷം രൂപ തനത് ഫണ്ട് വകയിരുത്തിയ ബഡ്‌സ് സ്കൂൾ നിർമ്മാണത്തിന്റെ  ശിലാസ്ഥാപന ഉദ്ഘാടനം  ബഹു:കേരള സംസ്ഥാന കായിക വഖഫ് റെയിൽവേ വകുപ്പ് മന്ത്രി ശ്രീ വി അബ്ദുറഹ്മാൻ ഹിറോസ് നഗറിൽ നിർവഹിച്ചു.