വള്ളിക്കുന്ന് : സംസ്ഥാന സർക്കാറിൻ്റെ സ്വപ്ന പദ്ധതികളായ ലൈഫ് ഭവനപദ്ധതിയിൽ വള്ളിക്കുന്നിൽ മൂന്നാം ഘട്ടം പൂർത്തീകരിച്ച 149 വീടുകളുടെ താക്കോൽദാനകർമ്മം ബഹു തദ്ദേശവകുപ്പ് മന്ത്രി എം ബി രാജേഷ് 27/07/25 ഞായർ 6 pm അരിയല്ലൂരിൽ നിർവ്വഹിക്കും. പ്രസ്തുത ചടങ്ങിൽ വള്ളിക്കുന്ന് നിയോജക മണ്ഡലം എം എൽ എ പി അബ്ദുൾ ഹമീദ് മസ്റ്റർ, ഗ്രാമപഞ്ചായത്ത് പ്രസിഡിൻ്റ് എ ഷൈലജ ടീച്ചർ എന്നിവർ പങ്കെടുക്കുന്നു.ജില്ലയിൽ ലൈഫ് 20-20 ലിസ്റ്റിൽ ഏറ്റവും കൂടുതൽ ഗുണഭോക്താക്കൾ ഉൾപ്പെട്ട ഗ്രാമപഞ്ചായത്തുകളിലൊന്നാണ് വള്ളിക്കുന്ന്, വിവിധ ലൈഫ് ഭവന പദ്ധതികളിലായി 547 ഗുണഭോക്താക്കളാണ് വിവിധ ലൈഫ് ഭവന പദ്ധതികളിലായി ഗ്രാമപഞ്ചായത്തിൽ എഗ്രിമെൻ്റ് വെച്ചത്. ഇതിൽ ഭൂമിയുള്ള ഭവനരഹിതരിൽ എഗ്രിമെൻ്റ് വെച്ച 490 വീടുകൾക്കും 4 ലക്ഷം രൂപ നൽകി ഗ്രാമപഞ്ചായത്ത് വീട് നൽകി കഴിഞ്ഞു. ബാക്കി എഗ്രിമെൻ്റ് വെച്ചവർ വിവിധ ഗഡുക്കൾ വാങ്ങി പണി പൂർത്തീകരിക്കുന്ന തിരക്കിലാണ്. ഇതിൽ ഫിഷറീസ് വിഭാഗത്തിൽ.142,ജനറൽവിഭാഗത്തിൽ 294,എ സി വിഭാഗത്തിൽ 54 ഗുണഭോക്താക്കളാണ് ഈ കാലയളവിൽ പണി പൂർത്തീകരിച്ചത്. ഈ കാലയളവിൽ  ഭൂരഹിത ഭവനരഹിതരുടെ ലിസ്റ്റിൽ നിന്ന് 73 ഗുണഭോക്താക്കളും ഭൂമി വാങ്ങി വീട് വെക്കുകയുണ്ടായി ദൂരഹിത ഭവനരഹിതരുടെ ലിസ്റ്റിൽ ഉള്ളവർക്ക് ഭൂമി വാങ്ങുന്നത് ഉൾപ്പെടെ 6 ലക്ഷം രൂപ നൽകി വീട് പണി പൂർത്തീകരിച്ചു കഴിഞ്ഞു. 2021-22 സാമ്പത്തിക വർഷം 2 കോടി 22 ലക്ഷം  ,2022 -23 സാമ്പത്തിക വർഷം 1 കോടി 37 ലക്ഷം ,2023 - 24 സാമ്പിത്തിക വർഷം 8 കോടി 25 ലക്ഷം, 2024-2025 സാമ്പത്തിക വർഷം 4 കോടി 47 ലക്ഷം  തുകയാണ്,2025-26 സാമ്പത്തിക വർഷം 62 ലക്ഷം രൂപയാണ് ഗ്രാമപഞ്ചായത്ത് ഇതുവരെ ലൈഫ് ഭവന പദ്ധതിക്കായി ചിലവഴിച്ചിട്ടുള്ളത്. ഇതിന് പുറമേ  487 Sc ജനറൽ വിഭാഗത്തിൽ പെട്ടെ വർക്ക് ഭവന പുനരുദ്ധാരണ പ്രവർത്തനങ്ങൾക്കും ഫണ്ട് വകയിരുത്തി പണി പൂർത്തീകരിച്ചു കഴിഞ്ഞു.