വള്ളിക്കുന്ന് : തിരൂരങ്ങാടി ബ്ലോക്ക് പഞ്ചായത്ത് വള്ളിക്കുന്ന് പഞ്ചായത്തിലെ പൊറാഞ്ചേരിയിൽ നിർമ്മിച്ച " പുഴയോര തണൽ ഹാപ്പിനെസ്സ് പാർക്ക്" നാളെ ഉദ്ഘാടനം ചെയ്യപ്പെടുന്നു. ഹാപ്പിനസ് പാർക്ക് ഉദ്ഘാടനവും പൊതുയോഗവും മേയ് 20ന് വൈകിട്ട് 4 മണിക്ക് നടക്കും. തിരൂരങ്ങാടി ബ്ലോക്ക് പഞ്ചായത്ത് പ്രസിഡന്റ് ശ്രീ. ഇ.കെ.ബഷീർ ഉദ്‌ഘാടനം നിർവ്വഹിക്കും. തിരൂരങ്ങാടി ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി ചെയർപേഴ്സൺ ശ്രീമതി ജംഷീന സ്വാഗതം ആശംസിക്കുന്നു ചടങ്ങിൽ തിരൂരങ്ങാടി ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീമതി സുബൈദ ടീച്ചർ അധ്യക്ഷത വഹിക്കും.

വള്ളിക്കുന്ന് ഗ്രാമപഞ്ചായത്ത് പ്രസിഡന്റ് ഇർഷാദ് അരിയല്ലൂർ ,മലപ്പുറം ജില്ലാ പഞ്ചായത്ത് മെമ്പർ ഹനീഫ മൂന്നിയൂർ, വള്ളിക്കുന്ന് ഗ്രാമപഞ്ചായത്ത് വൈസ്  പ്രസിഡന്റ് മുനീറ അഫ്സൽ , തിരൂരങ്ങാടി ബ്ലോക്ക് പഞ്ചായത്ത് ശ്രീ.വിനയൻ പാറോൽവിവിധ സ്റ്റാൻഡിംഗ് കമ്മിറ്റി ചെയർമാൻമാർ, ആരോഗ്യ-വിദ്യാഭ്യാസ മേഖലകളിലെ പ്രതിനിധികൾ, മുൻ ജനപ്രതിനിധികൾ  തുടങ്ങിയവർ ആശംസകൾ നേർന്ന് സംസാരിക്കും.

കടലുണ്ടി പുഴയോരത്തെ കൂടുതൽ ആകർഷകമാക്കി കുടുംബങ്ങൾക്ക് വിശ്രമിക്കാനും കുട്ടികൾക്ക് കളിക്കാനുമുള്ള സൗകര്യങ്ങളോടെയാണ് പാർക്ക് സജ്ജമാക്കിയിരിക്കുന്നത് . ഇരിപ്പിടങ്ങൾ, നടപ്പാതകൾ, കുട്ടികൾക്കായുള്ള കളിസ്ഥലങ്ങൾ, ലൈറ്റിംഗ് സൗകര്യങ്ങൾ എന്നിവ ഒരുക്കിയിട്ടുണ്ട്.